အစိုးရသစ်လက်ထက် ပြုပြင်ပြောင်းလဲမှုမျိုးစုံကို အကောင်အထည်ဖော်နေရာမှာ နိုင်ငံရေး၊ စီးပွါးရေး၊ အုပ်ချုပ်ရေးနှင့် ပုဂ္ဂလိကကဏ္ဍ တိုးတက်ဖွံ့ဖြိုးမှုအစရှိတဲ့မဏ္ဍိုင်လေးရပ်အပေါ်အခြေခံပြီးဆောင်
ရွက်လျက်ရှိပါတယ်။ဒီလိုတစ်ဖက်ကဆောင်ရွက်နေပြီးမဖြစ်မနေလုပ်ရမယ့်ကိစ္စတစ်ရပ်ကတော့လက်တွေ့ကျတဲ့ ပညာရေးပြုပြင် ပြောင်းလဲမှုပဲဖြစ်ပါတယ်။

ပညာရေးပြုပြင်ပြောင်းလဲမှုကို တာဝန်ယူဖို့ ပြည်ထောင်စုဝန်ကြီးတစ်ဦးကို ဦးဆောင်စေပြီး ဝန်ကြီးဌာနပေါင်းစုံ၊ တက္ကသိုလ်တွေကို စီမံအုပ်ချုပ်ပေးနေတဲ့ဦးစီးဌာနက ညွှန်ကြားရေးမှူးချုပ်များ၊တက္ကသိုလ်အသီသီးက ပါမောက္ခချုပ်များ၊ ဆရာဆရာမများ အခြေခံပညာရေးမှာ တာဝန်ယူနေတဲ့ တာဝန်ယူခဲ့တဲ့သူတွေ စုပေါင်းပြီး ဆွေးနွေးကြ၊ တိုင်ပင်လျက်ရှိတာကို တွေ့ရှိရပါတယ်။

ပညာရေးပြုပြင်ပြောင်လဲမှုဟာ အမှန်တော့ မြန်မာနိုင်ငံ လူဦးရေသန်း-၆၀ ကျော် လူတိုင်းနဲ့ပတ်သက်နေတာဖြစ်ပါတယ်။ ဒါကြောင့်လည်း သတင်းစာတွေ၊ ဂျာနယ်တွေအထဲမှာ ပညာရေးပြုပြင်ပြောင်းလဲမှုနဲ့ ပတ်သက်ပြီး ပုံစံအမျိုးမျိုးနဲ့ရေးသားကြ၊ ဆွေးနွေးကြ၊ ဝေဖန်နေကြတာ တွေ့မြင်ရပါတယ်။ အခုလို စိတ်ပါဝင်စားစွာ ဆွေးနွေးနေကြတာကို ကျွန်တော်က ကြိုဆိုပါတယ်။ ပညာရေးဟာ အမှန်တော့ ပြည်သူပြည်သားတိုင်းနဲ့ဆိုင်တဲ့ကိစ္စ ဖြစ်ပါတယ်။ တာဝန်ရှိတဲ့ ဝန်ကြီးဌာနသာမက ဆရာ ဆရာမများ၊ ကျောင်းသား ကျောင်းသူများ၊မိဘများ၊လုပ်ငန်းရှင်များအားလုံးနဲ့ ပတ်သတ်နေပါတယ်။

ပညာရေးပြုပြင်ပြောင်းလဲမှုနဲ့ ပတ်သတ်လာရင် ကျွန်တော်သတိထားမိတာက တက္ကသိုလ်ပညာရေးကို ပိုပြီးဂရုပြုနေကြတာ တွေ့မြင်ရပါတယ်။ တက္ကသိုလ်တွေကို ဘယ်လို ပြုပြင်ပြောင်းလဲသင့်သလဲ ဆိုတာကိုလည်း တိုင်ပင်ဆွေးနွေးကြတယ်။ တက္ကသိုလ်ပညာရေးနဲ့ ပတ်သတ်ပြီး လူပြောများတဲ့ကိစ္စတစ်ခုက တက္ကသိုလ်များ ကိုယ်ပိုင် လွတ်လပ်စွာရပ်တည်နိုင်မှု (Autonomy) ပဲဖြစ်တယ်။ ဒီအကြောင်းကို အမျိုးမျိုး အဖုံဖုံပြောကြတယ်။

တက္ကသိုလ်တွေကို ကိုယ်ပိုင်လွတ်လပ်ခွင့်ပေးလိုက်ရင် တက္ကသိုလ်နဲ့ပတ်သတ်ပြီး ပြဿနာတွေအားလုံး ပယ်ပျက်သွားမယ်လို့ထင်နေကြတယ်။ ဒါကို (Magic Bullet) တန်ခိုးကြီးတဲ့ ကျည်ဆန်လို့ ခေါ်ဝေါ်သမုတ်ကြတယ်။ လွယ်လွယ်ပြောရရင် ကျည်ဆန် တစ်တောင့်နဲ့ လိုတဲ့ပစ်မှတ်ကို ထိအောင်ပစ်နိုင်တဲ့သဘော။ အမှန်တော့တက္ကသိုလ်ပညာရေး စနစ်တစ်ခုလုံးကို လက်တွေ့ကျကျ ပြုပြင်ပြောင်းလဲနိုင်ဖို့ အချက်တစ်ချက်တည်း စဉ်းစားလို့မဖြစ်ပါဘူး။ ဘက်စုံ၊ ထောင့်စုံ စဉ်းစားနိုင်စွမ်းရှိဖို့လိုပါတယ်။

တက္ကသိုလ်တွေ လွတ်လပ်စွာရပ်တည်မှုဟာ အရေးကြီးတဲ့ကိစ္စတစ်ခုဖြစ်တာကိုတော့ ငြင်းလို့မရပါဘူး။ နိုင်ငံခြားတက္ကသိုလ်တွေ အားလုံးလိုလို အခုလိုပဲ လွတ်လပ်စွာ ရပ်တည်နေတာတွေ့ရပါတယ်။ ဥပမာ-တစ်ကမ္ဘာလုံးမှာ တက္ကသိုလ်ပညာရေးစနစ်နဲ့ ပတ်သတ်ပြီး နံပါတ်တစ်နေရာမှာ ရပ်တည်နေတဲ့ အမေရိကန်နိုင်ငံက တက္ကသိုလ်တွေဖြစ်ပါတယ်။ သူတို့ရဲ့တက္ကသိုလ်တွေကို အမျိုးအစားအနေနဲ့ နှစ်မျိုးခွဲခြားနိုင်ပါတယ်။ တစ်မျိုးက ပြည်နယ်တက္ကသိုလ်များ (State Universities) ဖြစ်ပြီး နောင်တစ်မျိုးက ပုဂ္ဂလိကတက္ကသိုလ်များ (Private Universities) ဖြစ်တယ်။

ပြည်နယ်တက္ကသိုလ်တွေကို သက်ဆိုင်ရာ ပြည်နယ်အစိုးရက အထောက်အပံ့ပေးပေမယ့် တက္ကသိုလ်ရဲ့ စီမံအုပ်ချုပ်မှုကို လွတ်လပ်စွာအုပ်ချုပ်ဖို့ ခွင့်ပြုထားပါတယ်။ ပုဂ္ဂလိက တက္ကသိုလ်တွေကတော့ ပြောစရာမလိုပါဘူး။ ကိုယ်ပိုင်အုပ်ချုပ်ခွင့် အပြည့်အဝ ပေးထားပြီးသားဖြစ်တယ်။

အင်္ဂလန်နိုင်ငံမှာလည်း အခြေအနေက ဒီအတိုင်းပဲဖြစ်ပါတယ်။ နာမည်ကြီးတဲ့ Oxford တက္ကသိုလ်၊ Cambridge တက္ကသိုလ်တွေဟာ ကိုယ်ပိုင်အုပ်ချုပ်တဲ့စနစ်ကို ကျင့်သုံးနေတာဖြစ်တယ်။မြန်မာပြည်မှာလည်း တစ်ချိန်က ရန်ကုန်တက္ကသိုလ်တို့ မန္တလေးတက္ကသိုလ်တို့မှာ ကိုယ်ပိုင်အုပ်ချုပ်ခွင့် အခွင့်အရေးတွေ ပေးခဲ့တာ တွေ့ရပါတယ်။ ရန်ကုန်တက္ကသိုလ်မှာ အကြီးဆုံးရာထူးက အဓိပတိဖြစ်ပြီး နိုင်ငံတော်ရဲ့ခေါင်းဆောင်လုပ်သူက အဓိပတိတာဝန်ယူခဲ့ကြတာ တွေ့ရပါတယ်။ ပညာရေးနယ်ပယ်ကလာတဲ့သူအဖို့ အမြင့်ဆုံးရာထူးတာဝန်က Vice-Chan-cellor (ဒုတိယအဓိပတိ) ဖြစ်ပါတယ်။

တက္ကသိုလ်တွေ ကိုယ်ပိုင်လွတ်လပ်ခွင့်နဲ့ ပတ်သက်ပြီး စဉ်းစားတဲ့အခါ လက်ရှိအနေအထားကို သုံးသပ်ဖို့ အရေးကြီးလှပါတယ်။ တက္ကသိုလ်တွေမှာ အနိမ့်ဆုံးအဆင့်က သင်ကြားရေးပိုင်းမှာ နည်းပြဆရာ ဆရာမရာထူး ဖြစ်ပါတယ်။ နည်းပြ ကနေ လက်ထောက်ကထိက၊ လက်ထောက်ကထိက ကနေ ကထိက၊ကထိက ကနေ တွဲဖက်ပါမောက္ခ၊ စသည်ဖြင့် တစ်ဆင့်ပြီးတစ်ဆင့် ရာထူးတွေတက်ခဲ့ပါတယ်။ ဒါကြောင့် သင်ကြား ရေးလောကမှာ အမြင့်ဆုံးရာထူးက ပါမောက္ခ၊ ဌာနမှူးဖြစ်တယ်။

အခုလို ရာထူးတွေ တစ်ဆင့်ပြီးတစ်ဆင့်တက်တာဟာ ဆရာ ဆရာမတစ်ဦးချင်းရဲ့ ပညာအရည်အချင်း၊ လုပ်သက်အပေါ် အခြေခံတာဖြစ်ပါတယ်။ ပါမောက္ခ၊ ဌာနမှူးတစ်ယောက်ဟာ မိမိဌာနတစ်ခုလုံးရဲ့ စီမံအုပ်ချုပ်မှုတာဝန်ကို ယူရပါတယ်။ ပါမောက္ခတစ်ဦးအတွက် တက်လမ်းအနေနဲ့ စဉ်းစားရင် ဒုတိယပါမောက္ခချုပ်၊ ဒီကတစ်ဆင့် ပါမောက္ခချုပ်ဆိုပြီး ရာထူးနှစ်ဆင့် ကျန်သေးတာ တွေ့ရပါတယ်။ တက္ကသိုလ်မှာ တာဝန်ယူတဲ့ဆရာ ဆရာမတစ်ဦးမှာ အဓိကတာဝန်သုံးရပ်ရှိပါတယ်။ ပထမတာဝန်က သင်ကြားရေးတာဝန်၊ ဒုတိယတာဝန်က သုတေသန၊ တတိယအလုပ်ကတော့ စာအုပ်စာတမ်း ပြုစုခြင်းပဲဖြစ်ပါတယ်။ တက္ကသိုလ်ဆရာ ဆရာမတစ်ဦးရဲ့အရည်အသွေးကို ဒီတာဝန်သုံးရပ်ဆိုတဲ့ ပေတံနဲ့တိုင်းတာပါတယ်။

ပါမောက္ခတစ်ဦး အခုလိုတာဝန်သုံးရပ်ကို ထူးထူးချွန်ချွန် တာဝန်ယူနိုင်ခဲ့ရင် ပါမောက္ခချုပ်ရာထူးကို တက်လှမ်းနိုင်ပါတယ်။ ဒါပေမယ့် ပါမောက္ခချုပ်ဖြစ်တဲ့ အချိန်ကစပြီး စောစောကပြောတဲ့ တာဝန်သုံးရပ်ကို လုံးဝထမ်းဆောင်နိုင်ခြင်း မရှိတော့ပါဘူး။

စာလည်းမသင်နိုင်သလို သုတေသနတွေလည်း မလုပ်နိုင်တော့ပါဘူး။ စာတမ်း ပြုစုမှု၊ စာအုပ်ရေးသားမှုတွေကိုလည်း မလုပ်နိုင်တော့ပါဘူး။ ဒါကြောင့် အခုလို အုပ်ချုပ်ရေးတာဝန်ကို ယူလိုတဲ့သူတွေမရှိကြဘူး။ဒါကြောင့်လည်း ပါမောက္ခချုပ် တာဝန်ယူမယ့်သူကို မဲနဲ့ရွေးချယ်ကြတယ်။ ဒါက နိုင်ငံခြားတက္ကသိုလ်တွေမှာ ကျင့်သုံးနေတဲ့ အနေအထားကို တင်ပြခြင်းဖြစ်ပါတယ်။ ဘယ်သူမှလုပ်ချင်တဲ့အလုပ်မဟုတ်ဘူး။မိမိလုပ်ရမယ့် တာဝန်သုံးရပ်ကို မလုပ်နိုင်ဘဲ အုပ်ချုပ်မှုတာဝန်တွေနဲ့ပိနေတာကို မလိုလားကြဘူး။

ကျွန်တော်တို့နိုင်ငံမှာတော့ အဲဒီလိုမဟုတ်ဘဲ ပါမောက္ခချုပ်ရာထူးကို မက်မောကြတယ်။ ဒီရာထူးရပြီး တွဲဖက်လာတဲ့ မက်လုံးတွေကို နှစ်သက်ကြတယ်။ ကိုယ်လုပ်ချင်တဲ့ စာသင်ကြားရေး၊ သုတေသန၊ စာရေးသားမှုအလုပ်တွေကို စွန့်လွှတ်ခဲ့ကြတယ်။ ဒါကြောင့်တက္ကသိုလ်တွေ လွတ်လပ်စွာ ရပ်တည်မှုကို စဉ်းစားတဲ့နေရာမှာ တက္ကသိုလ် ဆရာ ဆရာမများကို ချီးမြှောက်ပုံ၊ အသိအမှတ်ပြုပုံကို ပြန်လည်သုံးသပ်ရမှာဖြစ်တယ်။ ဆရာ ဆရာမငယ်တွေ လုပ်ချင်၊ ကိုင်ချင်စိတ်တွေရှိအောင် ဘယ်လိုအားပေးရမလဲဆိုတာကို စဉ်းစားရမှာဖြစ်တယ်။

အမှန်တော့ တက္ကသိုလ်တွေ လွတ်လပ်စွာရပ်တည်နိုင်ဖို့ တက္ကသိုလ်တွေမှာရှိတဲ့ စီမံအုပ်ချုပ်တာဝန်နဲ့ ပညာရေးလုပ်ငန်းနှစ်ခုကို ခွဲထုတ်ဖို့လိုအပ်ပါတယ်။ တက္ကသိုလ်တစ်ခုကို စီမံအုပ်ချုပ်မှုဟာ သီးခြားအထူးပြုရမယ့် အလုပ်ဖြစ်ပါတယ်။ ပါမောက္ခဖြစ်တာနဲ့ စီမံအုပ်ချုပ်မှုလုပ်ငန်း လုပ်နိုင်လိမ့်မယ်လို့ တွက်ချက်လို့မဖြစ်ပါဘူး။ ဒါကြောင့်ကိုယ်ပိုင်အုပ်ချုပ်နိုင်တဲ့ တက္ကသိုလ်တွေဖြစ်ဖို့ အခုလို လိုင်းနှစ်လိုင်းခွဲပြီး ပညာရေးဆိုင်ရာက တစ်ဖက်၊ အုပ်ချုပ်ရေးဆိုင်ရာကတစ်ဖက် ခွဲခြားသွားဖို့လိုအပ်ပါတယ်။

တက္ကသိုလ်တစ်ခုလုံးကို စီမံတဲ့နေရာမှာလည်း အဖွဲ့အစည်းတစ်ရပ်အနေနဲ့ တက္ကသိုလ်ဗဟိုကောင်စီဆိုတာ ရှိပါတယ်။ ပါမောက္ခတွေ၊ ပညာရှင်တွေ၊ နိုင်ငံဝန်ထမ်းတွေ စုစည်းဖွဲ့စည်းထားတာဖြစ်ပါတယ်။

ကျွန်တော်တို့နိုင်ငံမှာ တက္ကသိုလ်များကို စီမံအုပ်ချုပ်ဖို့ အဆင့်မြင့်ပညာဦးစီးဌာနဆိုပြီး အောက်မြန်မာပြည်၊ အထက်မြန်မာပြည်မှာ ဖွဲ့စည်းထားပါတယ်။ ဒီ ဦးစီးဌာနတွေဟာ အုပ်ချုပ်မှုအလွှာတစ်ရပ်အဖြစ် ရပ်တည်နေပါတယ်။ ကိုယ်ပိုင်လွတ်လပ်စွာ ရပ်တည်နိုင်ဖို့ အုပ်ချုပ်မှုအလွှာတွေကို တတ်နိုင်သမျှ လျှော့ချဖို့လိုအပ်ပါလိမ့်မယ်။ ကျွန်တော်တို့ နိုင်ငံရဲ့ တက္ကသိုလ်ပညာရေးစနစ်မှာ ဝန်ကြီးဌာနအလိုက် တက္ကသိုလ်တွေ ဖွဲ့စည်းထားတာဖြစ်တယ်။

ခေတ်တစ်ခေတ်အနေအထားအရ ဆောင်ရွက်ခဲ့ပြီး လက်ရှိအချိန်မှာ ဝန်ကြီးဌာန ၁၀-ခုကျော်မှာ သီးခြားတက္ကသိုလ်တွေ ဖွင့်လှစ်တည်ထောင်နေတာ ဖြစ်ပါတယ်။ လွတ်လပ်စွာရပ်တည်တဲ့ တက္ကသိုလ်များ ပေါ်ပေါက်လာဖို့ ဒီအခြေအနေကို ပြန်လည်သုံးသပ်ဖို့ လိုအပ်လိမ့်မယ်လို့ ယူဆမိပါတယ်။

လွတ်လပ်စွာရပ်တည်နိုင်ဖို့ တက္ကသိုလ်တွေကို (Corporatization) လို့ခေါ်တဲ့ သီးခြားရပ်တည်နိုင်စေမယ့် အဖွဲ့အစည်းတွေအဖြစ် ရပ်တည်ခွင့်ပြုရမှာဖြစ်ပါတယ်။ တက္ကသိုလ်တစ်ခုဟာ မိမိဝင်ငွေကို ကိုယ်တိုင်ရှာဖွေပြီး ဈေးကွက်ထဲမှာ ယှဉ်ပြိုင်နိုင်စွမ်းရှိအောင် ဆောင်ရွက်နိုင်စွမ်းရှိဖို့ လိုပါလိမ့်မယ်။ အခုလိုအဖွဲ့အစည်း အခြေခံပုံသဏ္ဌာန် ပြောင်းလဲလိုက်ရင် ကိုယ်ပိုင်လွတ်လပ်စွာရပ်တည်တဲ့ တက္ကသိုလ်တွေဖြစ်လာဖြစ်ပါတယ်။ ဝန်ကြီးဌာနအသီးသီးမှာ လုပ်ငန်းအဖွဲ့အစည်းတွေကို အခု ပြောင်းလဲမှုတွေ စတင်ဆောင်ရွက်လျက်ရှိပါတယ်။ အခုလိုပဲပညာရေးဌာနမှာရှိတဲ့ တက္ကသိုလ်တွေကို Corporatization လုပ်နိုင်ရင် အများမျှော်လင့်တောင့်တတဲ့ လွတ်လပ်စွာရပ်တည်နိုင်မဲ့ တက္ကသိုလ်ပေါ်ပေါက်လာမှာသာ ဖြစ်ပါတယ်။

ပြုပြင်ပြောင်းလဲမှုနဲ့ပတ်သတ်တဲ့အခါ Stake Holder Consultation လို့ခေါ်တဲ့ သက်ဆိုင်သူအားလုံးနဲ့ တိုင်ပင်ဖို့ အလွန်အရေးကြီးပါတယ်။ ဒီကိစ္စကို တာဝန်ရှိတဲ့လူကြီးကလည်း တိုက်တွန်းပါတယ်။လက်တွေ့မှာတော့ ကျယ်ကျယ်ပြန့်ပြန့်မလုပ်ဖြစ်ပါဘူး။ မလုပ်ခဲ့လို့လည်း မီဒီယာတွေမှာ အသံတွေ ထွက်လာခဲ့ပါတယ်။
တက္ကသိုလ်ကျောင်းဆရာများ အဖွဲ့အစည်းကပြုလုပ်တဲ့ အစည်းအဝေးတစ်ခုကိုသွားပြီး ကျွန်တော်စာတမ်းဖတ်ခဲ့ပါတယ်။ ဒီအသင်းကို တက္ကသိုလ်က ဆရာ ၊ဆရာမတွေ ဖွဲ့စည်းထားတာ။သူတို့ရင်ထဲမှာ ပြောစရာတွေက အများကြီးရှိနေတာကို သတိပြုမိတယ်။ ကျွန်တော့်ကိုလည်း ဝိုင်းပြောကြပါတယ်။ ကျွန်တော်တို့ နိုင်ငံရဲ့ပြုပြင်ပြောင်းလဲမှုမှာ ဒီလိုစေတနာနဲ့ ပါဝင်လှုပ်ရှားတဲ့သူတွေကို စည်းရုံးနိုင်ဖို့ အထူးလိုအပ်ပါတယ်။ ဒါမှလည်း ပြီးပြည့်စုံတဲ့နိုင်ငံအတွက် လိုအပ်တဲ့ပြုပြင်ပြောင်းလဲမှုမျိုးဖြစ်နိုင်မှာ ဖြစ်တယ်။

အခြေခံစဉ်းစားချက်ကတော့ တက္ကသိုလ်ပညာသင်ကြားမှုနဲ့ တက္ကသိုလ် စီမံအုပ်ချုပ်မှု။

ဒီနှစ်ခုဟာ သီးခြား ဦးစားပေးရမယ့်ကိစ္စ၊ ထိရောက်တဲ့ စီမံခန့်ခွဲမှုလုပ်ခြင်းဟာ တက္ကသိုလ်တွေ ကိုယ်ပိုင်ရပ်တည်နိုင်ဖို့ဖြစ်တယ် ဆိုတာကို လက်ခံရမှာ ဖြစ်ပါတယ်။ ထိထိရောက်ရောက် စီမံနိုင်မှ လိုလားတဲ့ ပညာရေးရည်မှန်းချက်တွေ ပြည့်မီမှာ ဖြစ်ပါတယ်။